cabecera

Ernesto Pedrosa abre as IV Xornadas de Fundraising organizadas polo Consello Social en colaboración coa Universidade de Vigo

11 05 2017. Categorías: Actos, Actos 2017, Prensa, Prensa 2017

Expertas e expertos internacionais e nacionais analizaron as claves da captación de recursos de natureza privada xunto coa súa xestión durante as IV Xornadas para a promoción do melenado universitario, celebradas os días 4 e 5 de maio, na sede da Fundación Barrié en Vigo. Cada un dos e das poñentes presentou o seu modelo e analizáronse as tendencias e os desafíos de cara ao futuro do financiamento universitario.

O presidente do Consello Social, Ernesto Pedrosa, acompañado do presidente do Consejo Social da Universidad de Oviedo, Lalo Azcona, foi, tras a inauguración das xornadas por parte do reitor da Universidade de Vigo, Salustiano Mato, o primeiro en tomar a palabra.

O modelo de fundación pública adoptado desde 2009 pola Universidade de Porto, abriu as exposicións do panel de expertas e expertos que interviron nas xornadas de mecenado universitario e que completaron Donzelina Barroso, directora do Rockefeller Philanthropy de Londres; Alberto Brito, responsable de Relacións Institucionais da Federación Alumni España; José Cidrás, director da Cátedra Telefónica; Emilio Fernández, director do Campus do Mar; Fabián García, xerente de Relacións Institucionais da Cátedra Telefónica; Xosé Lago, subdirector xeral de Acción Exterior da Xunta de Galicia; Pedro Otero, xerente de Afundación; José Pedreira, catedrático de Dereito Financeiro e Tributario da Universidad de Oviedo; Carlos Ramos, vicepresidente do Instituto Politécnico do Porto; Pedro Santa-Clara, catedrático de Finanzas da Nova School of Business and Economics de Lisboa; Noelia Sanz, directora executiva da Oficina de Alumni da Universidad de Navarra; David Shem Tov, xerente do Instituto Tecnolóxico de Israel, Technion; e José Manuel Silva, doutor honoris causa da Universidade de Vigo e exdirector xeral na Comisión Europea.

Ver nova do Diario da Universidade de Vigo

Ver nova do Faro de Vigo

Ver nova do Atlántico Diario

Ver nova de La Voz de Galicia

Ver video na UVigo tv