cabecera

Núñez Feijóo visita a Universidade de Vigo e gaba a súa “solvencia”

30 03 2017. Categorías: Prensa, Prensa 2017, Sin categoría

O presidente da Xunta, Alberto Núñez Feijóo, tivo a súa primeira visita institucional á Universidade de Vigo este mércores 29 de marzo, na que se reuniu co reitor, Salustiano Mato, e co seu equipo de goberno, así como co presidente do Consello Social, Ernesto Pedrosa, e coas comisionadas e comisionados da institución académica.

Esta era a primeira visita do presidente ao campus xa que, inda que ten participado en numerosos actos académicos da institución, non estivera aínda nas instalación de Vigo. Tras a recepción do presidente e a sinatura no Libro de Honra da Universidade, o titular da Xunta de Galicia deu un paseo polas inmediacións para coñecer o campus. Así, puido coñecer as novas dependencias do novo Centro de Apoio Científico e Tecnolóxico á Investigación, Cacti.

Entre os temas debatidos na visita estiveron o Campus do Mar e os terreos da ETEA, o Campus de Excelencia Internacional, o Vigo tecnolóxico, o novo mapa de titulacións universitarias, o Centro de Investigacións Biomédicas, unha da sete unidades excelentes acreditadas pola Xunta xunto á Ecimat e AtlantTIC.

Feijóo finalizou a súa visita recoñecendo o traballo desenvolvido polo equipo de Goberno actual e anteriores da institución académica viguesa a prol dun modelo de universidade “solvente; que foi capaz de capear a recesión económica; que é capaz de multiplicar por dous e incluso por tres cada euro público que recibe e de altísimo nivel e que a pesar dunha idade curta, no se entendería o Sistema Universitario desde a modernidade, a unidade e a colaboración”.

Ver nova do Duvi
Ver nova do Faro de Vigo
Ver nova do Atlántico
Ver nova da Voz de Galicia
Ver nova do Diario de Pontevedra
Ver nova do Correo Gallego
Ver nova do 20 minutos
Ver nova de Europa Press
Ver nova de Galicia Confidencial
Ver nova de Vigoé
Ver nova de Radio Vigo Cadena Ser